Sansar News
काठमाडौं । नेकपा एकिकृत समाजवादीका अध्यक्ष माधव कुमार नेपाल अस्वस्थ भएका छन् ।
अध्यक्ष नेपाललाई रूघा खोकी, ज्वरो र छातिमा सामान्य संक्रमण देखिएपछि त्रि.वि. शिक्षण अस्पताल महाराजगन्जमा भर्ना गरिएको नेपालका निजी सचिव मोहन गौतमले जानकारी दिएका छन् ।
‘उहाँको उपचारमा त्रि.वि. शिक्षण अस्पतालका छाती रोग विशेषज्ञ डा. सन्तकुमार दास नेतृत्वको चिकित्सकको टोली संलग्न छ । संक्रमण फैलिन सक्ने जोखिमलाई दृष्टिगत गरी चिकित्सकको सुझाव अनुसार अस्पतालमा सबै भेटघाटहरू बन्द गरिएको छ ।’ गौतमले भनेका छन् ।
वि.सं.२०७९ पुस ५ मंगलवार १४:५३ मा प्रकाशित
