Sansar News
काठमाडौं । सत्तारुढ गठबन्धन दलको बैठक विना निश्कर्ष टुंगिएको छ ।
प्रधानमन्त्री निवास बालुवाटारमा शनिबार साँझ बसेको गठबन्धन दलको बैठकबीच सरकार गठन र पद बाँडफाँटका विषयमा भएको छलफल टुंगोमा नपुगी बैठक सकिएको छ ।
सरकारका प्रवक्ता ज्ञानेन्द्रबहादुर कार्कीका अनुसार बैठक भोली बिहान पुनः बस्ने भएको हो । उनका अनुसार भोली बिहानको बैठकले सरकार गठन र कुन पद कुन दलले लिने भन्ने विषयको टुंगो लाग्नेछ ।
प्रवक्ता कार्कीले गठबन्धनकै नेतृत्वमा नयाँ सरकार गठन हुने गरी वार्ता र संवाद अगाडि बढेको बताए ।
श्रोतका अनुसार बैठकमा प्रधानमन्त्री बन्ने विषयमा शेरबहादुर देउवा, प्रचण्ड र माधव नेपालबीच आलोपालो प्रधानमन्त्री बन्ने विषयमा टुंगो लागेको तर को पहिला प्रधानमन्त्री बन्ने विषयमा भोली पुनः हुने बैठकले टुंगो लगाउने बताइएको छ ।
वि.सं.२०७९ पुस ९ शनिवार २०:०२ मा प्रकाशित
