Sansar News
काठमाडौं । नेकपा एमालेका अध्यक्ष केपी शर्मा ओली झण्डै २ वर्षपछि प्रधानमन्त्री तथा माओवादी केन्द्रका अध्यक्ष पुष्पकमल दाहाल ‘प्रचण्ड’ निवास खुमलटारमा पुगेका छन् ।
प्रचण्डका स्वकीय सचिव रमेश मल्लका अनुसार ओली एक्लै खुमलटार पुगेका हुन् । त्यहाँ दुई नेताबीच वार्ता र संवाद भइरहेको र उक्त छलफलमा एकिकृत समाजवादीका अध्यक्ष माधव कुमार नेपाललाई पनि बोलाइएको बताइएको छ ।
प्रचण्डले यसअघि ललितपुरको हात्तिवनमा अध्यक्ष नेपाल र जनता समाजवादीका अध्यक्ष उपेन्द्र यादवसँग पनि भेटवार्ता गरेका थिए । उक्त भेटमा प्रचण्डले सरकारलाई समर्थन गर्न प्रस्ताव राखेकोमा नेपालले सरकारलाई नकरात्मक दृष्टिकोणले हेर्नुपर्ने कुनै कारण नरहेको आफुले बताएको जानकारी दिएका छन् ।
यसअघि पुस १० गते बालुवाटारबाट निस्किएर बालकोट जाने क्रममा प्रचण्डले आफुहरुलाई जानकारी नगराएको भन्ने गुनासो गर्दै आएका नेपालले पार्टीको बैठकमा देशमा उत्पन्न नयाँ राजनीतिक परिस्थिति अनुसार आफुहरु अगाडि बढ्ने बताउँदै आएका थिए । file photo
वि.सं.२०७९ पुस १३ बुधवार १२:२४ मा प्रकाशित
