Sansar News
काठमाडाैं । उपप्रधान तथा गृहमन्त्री रवि लामिछाने सरकारी निवास पुल्चोक सरेका छन् । बिहीबार सरकारी निवास प्रवेश गर्दा मन्त्री लामिछानेले सुरक्षाकर्मीबाट सलामी लिएका छन् ।
लामिछानेले सलामी लिँदा यसअघिकाे शैली भने फेरेका छन् । उनले सलामी लिँदा पिर्का हटाएका छन् ।
सलामी लिएकाे सार्वजनिक तस्बिरमा लामिछाने पिर्कामाथि छैनन् ।
यसअघि मन्त्रीहरू पिर्कामाथि उभिएर सालमी लिन्थे । जसकाे निकै आलोचना समेत हुने गरेकाे थियाे ।
लामिछानेले पिर्का हटाएर सादगी जीवनशैली देखाएका छन् । जसकाे सामाजिक सञ्जालमा सकारात्मक चर्चा भएकाे छ ।
वि.सं.२०७९ पुस १४ बिहीवार १७:०५ मा प्रकाशित
