Sansar News
काठमाडौं । नेकपा एकिकृत समाजवादीका उपमहासचिव गंगालाल तुलाधरले पार्टीका अध्यक्ष माधवकुमार नेपाललाई गठबन्धनबाट राष्ट्रपतिको प्रस्ताव आएको भन्ने कुरा सत्य नभएको बताएका छन् ।
आइतबार पार्टीको स्थायी कमिटी बैठकबारे संचारकर्मीसँग कुरा गर्दै उपमहासचिव तुलाधरले यति ठूलो प्रस्ताव आउने भन्ने विषय पत्याउन नसकिने बताए ।
उनले अध्यक्ष नेपाललाई राष्ट्रपति भन्ने कुराले बैठकमा प्रवेशै नपाएको बताउँदै एमालेका तर्फबाट नेपाललाई राष्ट्रपतिको प्रस्ताव यतिछिटै आउला भन्ने कुरामा आफुलाई विश्वास नलागेको बताए ।
‘यो कुराले अहिलेसम्म हाम्रो बैठकमा प्रवेश पाएको छैन । कहाँबाट, कसरी आयो हावामा आयो, हावामा नै गयो जस्तो लाग्छ’ तुलाधरले भने, ‘नेकपा एमालेका तर्फबाट फेरि माधवकुमार नेपाल, एकीकृत समाजवादीको अध्यक्षलाई यस्तो ठूलो प्रस्ताव यति छिटै, सजिलोसँग राख्लान् भन्ने मलाई लाग्दैन र गरेको हो भन्ने पनि मलाइ लाग्दैन ।’
वि.सं.२०७९ पुस १७ आइतवार १६:३७ मा प्रकाशित
