Sansar News
काठमाडौं । नेकपा एमाले लुम्बिनी प्रदेशको संसदीय दलको नेतामा लिला गिरी चयन भएका छन् ।
एमाले सांसद भोजप्रसाद श्रेष्ठका अनुसार एमाले लुम्बिनीको आइतबार बसेको संसदीय दलको बैठकले पार्टीका पोलिटव्यूरो सदस्य समेत रहेका गिरीलाई दलको नेता चयन गरेको हो । उनी शंकर पोखरेलको नेतृत्वमा मन्त्री समेत भएका थिए ।
मंसीरमा सम्पन्न प्रतिनिधि सभा र प्रदेश सभा निर्वाचनमा रुपन्देही २ (क) बाट प्रदेश सभा सदस्यमा निर्वाचित थिए । साथै दलको उपनेतामा दलको चेत नारायण आचार्य चयन भएका छन् । आचार्य अर्घाखाँची (ख) बाट निर्वाचित सांसद हुन् ।
वि.सं.२०७९ पुस १७ आइतवार १७:२९ मा प्रकाशित
