हामी सबैकाे संसारन्यूज

काठमाडौं । काठमाडौंको खुलामञ्चमा भूमिगत पार्किङ बनाउने योजनाविरुद्ध प्रदर्शन भएको छ । सोमबार काठमाडौं महानगरपालिका घेराउ गर्नेदेखि उक्त योजनाविरुद्ध नाराबाजीसहित प्रदर्शन गरिएको छ ।

स्थानीयवासी र संरक्षण अभियन्ताहरुले टुँडिखेललाई पुरानै अवस्थामा फर्काउन माग गरेका छन् । उनीहरुले महानगरपालिका कार्यालय अगाडि मानव साङ्लो बनाएर प्रदर्शनसमेत गरेका छन् ।

महानगरको दसौं कार्यपालिका बैठकले गत कात्तिकमा खुलामञ्चमा ‘ट्रिपल बेसमेन्ट’ पार्किङ र भूमिगत पानी पुनर्भरण पिट निर्माण गर्न विस्तृत परियोजना प्रतिवेदन (डिपिआर) तयार गर्ने निर्णय गरेको थियो। यो योजना कार्यान्वयन भए काठमाडौंको मध्यसहरमा रहेको खुला चउर मासिने र यहाँको भूमिगत जलभण्डारमा क्षति पुग्ने भन्दै सम्पदा संरक्षण अभियन्ताहरूले विरोध गर्दै आएका छन्।