Sansar News
काठमाडौं । नेकपा एकिकृत समाजवादीकी नेतृ रामकुमारी झांक्री आफु साइवर हमलामा परेको बताएकी छन् ।
पूर्वमन्त्री समेत रहेकी झाक्रिले एउटा अनुसन्धान टिमले साइबर आक्रमण, साइबर हिंसा र र साइबार ह्यारेसमेन्टका सम्बन्धमा आफुमाथि लामो समय लगाएर अनुसन्धान गरेको बताएकी छन् ।
‘अध्ययनको सिमा र क्षेत्र अनि त्यसबाट आएका तथ्य रोचक मात्र होइनन् वास्तवमै सम्वेदनशिल थिए । पछिल्ला दुई वर्षमा म सबै भन्दा बढी साइबर हमलामा परेकी रहेछु । नेतृ झाक्रिले सामाजिक संजालमा लेखेकी छन् ।
नेतृ झाक्रिले लेखेकी छन्–
एउटा अनुसन्धान टिमले साइबर आक्रमण, साइबर हिंसा र Cyber Harassment का सम्बन्धमा ममाथि लामो समय लगाएर अनुसन्धान गरेको रहेछ । रिपोर्ट निष्कर्षको प्रस्तुतीकरणमा मलाई बोलाउनु भएको थियो ।
अध्ययनको सिमा र क्षेत्र अनि त्यसबाट आएका तथ्य रोचक मात्र होइनन् वास्तवमै सम्वेदनशिल थिए । पछिल्ला दुई वर्षमा म सबै भन्दा बढी साइबर हमलामा परेकी रहेछु।
हुन त सबै प्रकारका पेशा, वर्ग, जातजाति, लिंग र सबै क्षेत्रमा बस्ने ब्यक्तिहरूले ब्यक्तिगत रूपमा अपशब्द प्रयोग गरेर गालीगलौच गरेको देखिन्छ । तर, केही विषयमा अनुसन्धानकर्ता पनि आश्चर्य चकित हुनुहुन्थ्यो ।
१) मलाई सोसल मिडियामा सबैभन्दा धेरै आकर्मण गर्ने खासमा जातिय हिसावले मगर, तामाङ, राई, लिम्बु जस्ता जनजाति समुदायका ब्यक्तिहरू रहेछन् ।
२) बिश्वकर्मा, परियार, नेपाली जस्ता दलित समुदायका ब्यक्तिहरू रहेछन् ।
३) त्यसैगरी लैगिक हिसावले महिलाहरू, महिलाका नाम र महिलाको प्रोफाईल फोटो राखेका नक्कली आईडिहरूबाट रहेछन् ।
४) मेरो काम र म सँग असम्बन्धित ब्यक्तिहरू पनि ठूलो संख्यामा ब्यक्तिगत गालिगलौजमा आएका रहेछन् ।
मलाई यो रिपोर्टले कानूनी उपचार खोज्न बाध्य बनाउदैछ । मैले यसको उपचार खोजिन भने सायद म भन्दा पछाडीका बहिनीहरू र छोरीहरू यस्तो प्रकारको सिकार झनै हुनेछन्।
वि.सं.२०७९ पुस १९ मंगलवार ०९:३९ मा प्रकाशित
