हामी सबैकाे संसारन्यूज

काठमाडौं । सि.बि.आई.एल.क्यापिटलको अध्यक्षमा पारस कुमार काफ्ले नियुक्त भएका छन् ।

सि.बि.आई.एल.क्यापिटलका संचालकहरुको पदावधि समाप्त भई, संस्थाको विशेष साधारणसभाबाट नियुक्त भएका संचालकहरुमध्येबाट मुख्य कम्पनी सिटिजन्स बैंक ईन्टरनेशनलका तर्फवाट मनोनित भई संस्थाको संचालक सदस्य रहेका काफ्लेलाई संचालक समितिको आइतबार बसेको १०५ औं बैठकले अध्यक्षमा नियुक्त गरेको हो ।

बैठकमा सिटिजन्स बैंक ईन्टरनेशनल लि.तर्फबाट अन्य संचालकहरु राजेन्द्र लाल श्रेष्ठ, प्रमेश राज कायस्थ, कर्मचारी संचयकोष तर्फबाट सुवास खड्काका साथै संस्थाका प्रमुख कार्यकारी अधिकृत सबिर बादे श्रेष्ठ तथा कम्पनी सचिव रमेश लुईटेलको उपस्थिति रहेको थियो ।

नेपाल धितोपत्र बोर्डबाट सामुहिक लगानी कोषको प्रर्वद्धन, धितोपत्र निष्काशन तथा बिक्रि प्रबन्धक, लगानी व्यवस्थापन (पोर्टफोलियो म्यानेजमेन्ट), धितोपत्र प्रत्याभूतिकर्ता (अण्डर राइटर), शेयर रजिष्ट्रार तथा डि–म्याट खाता जस्ता लगानीकर्ताहरुसँग प्रत्यक्ष सरोकारका कामहरु गर्न अनुमति प्राप्त भएको सि.बि.आई.एल.क्यापिटल सिटिजन्स बैंकको सहायक कम्पनी हो । उक्त कम्पनीमा कर्मचारी संचयकोष तथा प्रतिष्ठित उद्योगी व्यापारीहरुको सह–लगानी रहेको छ भने यसको कार्यालय काठमाडौं डिल्लीबजार स्थित बाटुलेघरमा रहेको छ ।

काठमाडौं बाहिरका लगानीकर्ताहरुले पूँजीबजारमा प्रत्यक्ष रुपमा सहभागी भई लगानी गर्न समस्या रहेको हालको परिस्थितिमा संस्थाले लगानी व्यवस्थापक (पोर्टफोलियो म्यानेजर) को सेवा सिटिजन्स बैंकका देशभरीका सम्पूर्ण शाखा कार्यालयहरुबाट प्रदान गरी इच्छुक लगानीकर्ताहरुलाई संस्थाको विज्ञ तथा अनुभवि व्यवस्थापन समुहबाट सेवा प्रदान गर्दै आएको कम्पनी सचिव रमेश लुइटेलद्धारा जराी विज्ञप्तिमा उल्लेख छ ।