Sansar News
मुगु । मुगु जिल्लाको प्रदेश (ख)बाट नेकपा माओवादी केन्द्रबाट निर्वाचित मंगलबहादुर शाही कर्णाली प्रदेश सरकारमा पहिलोपटक बिनाबिभागीय मन्त्रीमा नियुक्त भएका छन् ।
नेकपा माओबादी केन्द्रका जिल्ला इन्र्चाज शाही गत मंसिर ४ मा सम्पन्न प्रतिनिधि सभा तथा प्रदेश सभा सदस्यको निर्बाचनमा मुगु जिल्लाको प्रदेश ख बाट सत्तागठबन्धनका तर्फबाट निर्बाचित भएका थिए । उनलाई कर्णालीप्रदेश सरकारको मन्त्रीमण्डल गठन प्रकृयामै बिनाबिभागीय मन्त्रीमा नियुक्त गरिएको हो ।
लामो समयदेखि पार्टीमा योगदान पुर्याएका र जनताको कामकाज देखि बिकास निर्माणम लाग्दै आएका शाहीलाई पार्टीले पनि मुल्याङ्कन गरि पहिलो पटकमै बिनाबिभागीय मन्त्रालयको जिम्मा दिएको हो । श्रोतका अनुसार शाहीलाई पछि कृषि, पर्यटन तथा पूर्बाधार मन्त्रालयमध्ये कुनै एक मन्त्रालयको जिम्मा दिइने भएको छ ।
शाही बिनाबिभागीय मन्त्रीमा नियुक्त भएपछि मत दिएर जिताउने मतदातामा खुशीयाली छाएको छ । निर्बाचनको बेला मतदातासँग गरेका बाँचा अब पूरा हुने आस मतदाताले राखेका छन् ।
सोरु गाउँपालिका–६ सोरुकोट निवासी ५१ बर्षिय शाही २०४२ सालमा शिक्षक पदमा स्थायी भएका थिए । सोरुकोट युवाबर्ष आधारभूत बिद्यालयमा कार्यरत शाही २०५८ सालमा स्वइच्छाले माओवादीमा भूमिगत भई पार्टीमा सक्रियताका साथ लागेका थिए ।
करिव सातबर्ष बढी भूमिगत जीवन बिताएका शाहीले २०६२/२०६३ मा शान्तिवार्तापछि पार्टीको खुल्ला राजनीतिमा देखा परेका थिए । उनको बढी समय जिल्ला इन्चार्जमै बितेको र एकपटक पार्टीको केन्द्रीय सदस्य र अर्कोपटक प्रदेश कमिटी सदस्य भएर पार्टीको काममा निरन्तर सक्रिय रहँदै आएका छन् ।
त्यसैगरी शाहीसँगै दैलेखबाट प्रतिनिधित्व गर्ने नेकपा एमाले कर्णाली प्रदेशका अध्यक्ष बिनोद कुमार साह पनि मन्त्रीमा नियुक्त भएका छन् ।
प्रदेश प्रमुख तिलक परियारले बिहीबार मुख्यमन्त्री राजकुमार शर्मा र नवनियुक्त विनाविभागीय मन्त्रीहरु शाह र शाहीलाई पद तथा गोपनियताको सपथ खुवाएका छन् ।
कर्णाली प्रदेशमा नेकपा माओवादी केन्द्र र एमालेले आलो /पालो मुख्यमन्त्री चलाउने सहमति भए अनुसार माओवादी केन्द्र कर्णाली प्रदेश संसदीय दलका नेता राजकुमार शर्मालाई बुधबार मुख्यमन्त्रीमा नियुक्त गरिएको हो ।
वि.सं.२०७९ पुस २८ बिहीवार २०:५८ मा प्रकाशित
