Sansar News
काठमाडौं । मधेश प्रदेशका मुख्यमन्त्री मुख्यमन्त्री सरोजकुमार यादवले सिंगो सदनबाट विश्वासको मत पाएका छन् ।
बुधबार दिउँसो विश्वासको मत लिएका मुख्यमन्त्री यादवाई नेपाली कांग्रेस लगायतका सबै दलका सांसदबाट विश्वासको मत मिलेको हो । उनलाई प्रदेश सभामा उपस्थित १०२ सांसदले विश्वासको मत दिएका हुन् ।
गत पुस २७ गते सत्तारुढ गठबन्धन दलका ६३ सांसदको समर्थनमा मुख्यमन्त्री बनेका जनता समाजवादी पार्टी संसदीय दलका नेता यादवलाई आफ्नै पार्टीका १६, एमालेका २४, कांग्रेसका २२, जनमत पार्टीका १३, लोसपाका ९, नेकपा माओवादी केन्द्रका ७, नेकपा एकीकृत समाजवादीका ७, नागरिक उन्मुक्ति पार्टी, राष्ट्रिय प्रजातन्त्र पार्टी, नेपाल संघीय समाजवादी पार्टीका १÷जना सांसद र पाँचजना स्वतन्त्र सांसदसहित १०२ जनाले विश्वासको मत दिएका हुन् ।
१०५ सदस्यीय प्रदेश सभामा माओवादी केन्द्रका २ सांसदको सपथ विवादका कारण रोकिएको थियो ।
वि.सं.२०७९ माघ ४ बुधवार १६:५६ मा प्रकाशित
