हामी सबैकाे संसारन्यूज

काठमाडौं । प्रतिनिधि सभाको उपसभामुख पदका लागि आज मनोनयन दर्ता गर्ने कार्यक्रम रहेको छ ।

संसद सचिवालयद्धारा जारी कार्यतालिका अनसार उपसभामुख पदका लागि आज दिउँसो १ देखि ४ बजेसम्म संसदको ल्होत्से हलमा उम्मेदवारी मनोनयन दर्ताको कार्यतालिका रहेको छ ।

त्यस्तै सवा चारबजेपछि उम्मेदवारी दिएका उम्मेदवारहरुको सूची प्रकाशन गरिने छ भने भोली माघ ७ गते शनिबार दिउँसो १ बजे बस्ने प्रतिनिधि सभाको बैठकले उपसभामुखको चयन गर्नेछ ।

उपसभामुखमा हालसम्म उम्मेदवारको टुंगो लागिसकेको छैन । सत्ता गठबन्धन दलको सहमति अनुसार राष्ट्रिय स्वतन्त्र पार्टीको भागमा उपसभामुख परेपनि सो पार्टीले उम्मेदवार सार्वजनिक गरिसकेको छैन । यसअघि रास्वपाबाट उपसभामुखको उम्मेदवारमा सोविता गौतमको नाम चर्चामा ल्याइएको थियो ।

त्यस्तै कांग्रेसले पनि सभामुखको उम्मेदवार उठाउने बताइएको छ ।

बिहीबार बसेको प्रतिनिधि सभाको बैठकले सत्तागठबन्धनबाट उम्मेदवार रहेका एमाले नेता देवराज घिमीरेलाई प्रतिनिधिसभाको सभामुखमा निर्वाचित गरेको छ ।