हामी सबैकाे संसारन्यूज

काठमाडौं । रिद्धि सिद्धि सिमेन्टको आयोजनामा बुधबार एक दिने स्वास्थ्य शिविर सम्पन्न गरिएको छ । राक्सिराङ गाउँपालिकाको कार्यालय र राक्सिराङ गाउँपालिका वडा नं. ४ को समन्वय तथा सहयोगमा आयोजित सो शिविरमा कलेज अफ मेडिकल साईन्सेसको प्राविधिक सहयोग रहेको थियो ।

रिद्धि सिद्धि सिमेन्ट लिमिटेडका सिईओ गुण बहादुर खनालको प्रमुख आतिथ्यतामा संचालित उक्त शिविर कार्यक्रममा कलेज अफ मेडिकल कलेजका म्यानेजर दुर्गा न्यौपाने, समाजसेवी सम्राट तुम्वाहाम्फे, राक्सिराङ गाउँपालिकाका प्रमुख प्रशासकीय अधिकृत देव चन्द्र गर्तौला लगायतका अतिथिहरु रहेका थिए । कार्यक्रममा जनरल फिजिसियन, बाल रोग, महिला रोग, हाड जोर्नी तथा नशा रोग र छाला रोगको परीक्षण तथा औषधि वितरण समेत गरिएको थियो ।

रिद्धि सिद्धि सिमेन्ट लिमिटेडका खानी प्रमुख गणेश कुमार सिँह, प्रशासन् प्रमुख अच्युत पराजुली र सप्लाई चेन प्रमुख गुरुप्रसाद घिमिरे लगायतको उपस्थिति रहेको थियो । उक्त स्वास्थ्य शिविरमा १८९ जनाले स्वास्थ्य लाभ प्राप्त गरेका थिए । राक्सिराङ गाउँपालिका वडा नं. ४ का अध्यक्ष सन्जय कोईरालाको सभापतित्वमा सम्पन्न भएको कम्पनीले जनाएको छ ।