Sansar News
काठमाडौँ । विप्लव नेतृत्वको नेपाल कम्युनिस्ट पार्टीसहित चार कम्युनिष्ट पार्टीहरुले एकता गर्ने भएका छन् ।
नेपाल कम्युनिस्ट पार्टीको केन्द्रीय कार्यालय बुद्धनगर काठमाडौँमा शुक्रबार बसेको चार पार्टीका शिर्ष नेताहरुको बैठकले पार्टी एकताका लागि आगामी फागुन १५ गते संयुक्त बैठक बस्ने निर्णय गरेका छन् ।
नेकपाका महासचिव विप्लव, नेपाल कम्युनिष्ट पार्टीका अध्यक्ष ऋषि कट्टेल, बैज्ञानिक समाजवादी कम्युनिष्ट पार्टीका महासचिव आहुती र नेकपा माओवादी समाजवादीका अधयक्ष कर्णजित बुढाथोकी ‘शुसिल’द्वारा हस्ताक्षरित विज्ञप्तिमा देशको वर्तमान राजनैतिक अवस्थाको विश्लेषण गर्दै स्थिति चरम सङ्कट र गम्भीर अवस्थामा रहेको निष्कर्ष समेत निकालेको छ ।
वि.सं.२०७९ माघ २७ शुक्रवार १४:४९ मा प्रकाशित
