हामी सबैकाे संसारन्यूज

काठमाडौं । नेकपा एमाले निकट अनेरास्ववियुको केन्द्रीय अध्यक्षमा समिक बडाल विजयी भएका छन् ।

राजधानीमा सम्पन्न २३ औं राष्ट्रिय महाधिवेशनले महासचिव बडाललाई अध्यक्षमा विजयी गरेको हो ।

त्यसैगरी संगठनको उपाध्यक्षहरुमा गोविन्द गिरी, धर्म गिरी, नारायण घर्ती र मार्यादा विष्ट रहेका छन् भने महासचिवमा नरेश रोकाया, कोषाध्यक्षमा संगम अर्याल, सचिवहरुमा सन्जीव धिताल, सुजन कडरिया, प्रकाश पौडेल, दीपेश प्रसाईं, अन्जना शिवाकोटी, आरती भट्टराई र बिनिता काफ्ले चयन भएका छन् ।

सहमतिमा नेतृत्व चयन गर्ने प्रयास गरेपनि सम्भव नदेखिएपछि बिहीबार राति विद्युतीय मेसिनमार्फत् मतदान गरिएको थियो । जसमा १५१७ मत खसेको बताइएको छ ।