Sansar News
काठमाडौं । राष्ट्रपतिका विषयमा सहमति जुटाउन बालुवाटारमा बसेको दलहरुको बैठकले राष्ट्रपति पदमा कांग्रेसका उम्मेदवारलाई सघाउने सहमति भएको छ ।
कांग्रेस, माओवादी केन्द्र, एकीकृत समाजवादी, जनता समाजवादी पार्टी, लोकतान्त्रिक समाजवादी पार्टी, जनमत पार्टी, राष्ट्रिय जनमोर्चा र नागरिक उन्मुक्ति गरी आठ दलको बैठकले राष्ट्रपति पदमा कांग्रेसका उम्मेदवारलाई समर्थन गर्ने निर्णय गरेको स्रोतले जनाएको छ ।
स्रोतका अनुसार दलहरुले राष्ट्रपतिमा आ–आफ्नो दावी गरेपनि संसदको सबैभन्दा ठूलो दल कांग्रेसलाई राष्ट्रपति दिन सबै दल सहमत भएका हुन् ।
यसअघि उपराष्ट्रपति जसपालाई दिने बताइए पनि त्यसका विषयमा भने कुनै कुरा नभएको पनि स्रोतले जनाएको छ ।
फागुन २५ गते हुने राष्ट्रपतिको निर्वाचनका लागि भोली उम्मेदवारी मनोनयन दर्ता गर्ने कार्यक्रम रहेको छ ।
वि.सं.२०७९ फागुन १२ शुक्रवार २०:०० मा प्रकाशित
