Sansar News
काठमाडौं । राष्ट्रपति पदमा भोट माग्न पार्टीका उम्मेदवार सुवासचन्द्र नेम्वाङसहितका एमाले नेताहरु नेकपा (एकीकृत समाजवादी)को कार्यालय पुगेका छन् ।
राष्ट्रपति पदका उम्मेदवार नेम्वाङ, उपाध्यक्ष विष्णु पौडेल, प्रवक्ता पृथ्वीसुब्बा गुरुङलगायतका नेताहरु एकीकृत समाजवादीका अध्यक्ष माधवकुमार नेपाललाई भेट्न आलोकनगरस्थित पार्टी कार्यालय पुगेका हुन् ।
राष्ट्रपति निर्वाचनअन्तर्गत यही फागुन २५ गते मतदान हुँदै छ । राष्ट्रपतिमा नेपाली कांग्रेसका वरिष्ठ नेता रामचन्द्र पौडेल र एमालेबाट नेम्वाङ प्रतिस्पर्धामा छन् ।
एकीकृत समाजवादीले भने कांग्रेसबाट उम्मेदवार रहेका रामचन्द्र पौडेललाई समर्थन गर्ने निर्णय गरिसकेको छ ।
एमाले नेताहरुले आजै १ बजे राष्ट्रिय स्वतन्त्र पार्टीका नेताहरूसँग भेट गर्दैछन् । यस्तै आजै दिउँसो साढे २ः३० बजे राष्ट्रिय प्रजातन्त्र पार्टी ९राप्रपा० का नेताहरूलाई भेटेर भोट माग्ने प्रवक्ता गुरुङले बताए ।
वि.सं.२०७९ फागुन १८ बिहीवार ११:५७ मा प्रकाशित
