हामी सबैकाे संसारन्यूज

काठमाडौं । नेपाल समाजवादी पार्टी (नेसपा) का अध्यक्ष डा. बाबुराम भट्टराईले बहालवाला प्रधानमन्त्रीलाई मुद्दा लगाउन पाइने तर त्यो काम नियमित अदालतको नभएको बताएका छन् ।

पूर्वप्रधानमन्त्री समेत रहेका डा भट्टराईले आफु प्रधानमन्त्री हुँदा पनि थुप्रै मुद्दा खेपेको र अदालत पुगेको बताउँदै शान्तिसम्झौता अनुसार जनयुद्धकालीन मुद्दा नियमित अदालतले नभएर टिआरसीले हेर्ने बताएका छन् ।

‘सानो स्पष्टीकरण–बहालवाला प्रमलाई मुद्दा लगाउनै पाइन्न भनेको हैन ! मज्जाले पाइन्छ ! म आफै प्रम छँदा थुप्रै मु्द्दा खेपेको छु,अदालतमा हाजीर भएको छु ! तर, शान्तिसम्झौता अनुसार जनयुद्धकालीन मुद्दा टिआरसीले हेर्ने हो, नियमित अदालतले हैन ! प्रम प्रचण्डको हकमा पनि त्यही हो ! आवेग हैन विवेकले काम गरौं !’

सानो स्पष्टीकरण-बहालवाला प्रमलाई मुद्दा लगाउनै पाइन्न भनेको हैन!मज्जाले पाइन्छ!म आफै प्रम छॅदा थुप्रै मु्द्दा खेपेको छु,अदालतमा हाजीर भएको छु!तर शान्तिसम्झौता अनुसार जनयुद्धकालीन मुद्दा TRCले हेर्ने हो,नियमित अदालतले हैन!प्रम प्रचण्डको हकमा पनि त्यही हो!आवेग हैन विवेकले काम गरौं!

— Baburam Bhattarai (@brb1954) March 6, 2023

२०७६ साल माघ १ गते टुँडिखेलमा आयोजित एक सार्वजनिक कार्यक्रममा प्रचण्डले द्धन्द्धकालमा मारिएमा ५ हजारको जिम्मा आफुले लिने भनेर दिइएको अभिव्यक्तिलाई लिएर उनीमाथि छानविन गर्नुपर्ने माग राख्दै सर्वोच्च रिट दायर भएको थियो ।