Sansar News
काठमाडौं । नेपाली कांग्रेसले उपराष्ट्रपति पदमा जनता समाजवादी पार्टी (जसपा) बाट उम्मेदवार बनेका रामसहाय यादवलाई मत दिने निर्णय गरेको छ ।
आज बिहान बसेको कांग्रेसको केन्द्रीय समिति कार्यसम्पादन समितिको बैठकले यादवलाई मत दिने निर्णय गरेको कांग्रेस प्रवक्ता डा. प्रकाशशरण महतले जानकारी दिएका छन् ।
चैत ३ गते हुने उपराष्ट्रपतिको निर्वाचनमा दश दलीय गठबन्धनबाट यादव साझा उम्मेदवार बनेका छन् भने नेकपा एमालेबाट अष्टलक्ष्मी शाक्य र जनमत पार्टीबाट ममता झा पनि उपराष्ट्रपतिका उम्मेदवार रहेका छन् ।
वि.सं.२०७९ चैत १ बुधवार १२:४८ मा प्रकाशित
