हामी सबैकाे संसारन्यूज

काठमाडौं । कृषि तथा वन विज्ञान विश्वविद्यालय  (एएफयू) को कृषि संकायका डिन जयप्रकाश दत्त निलम्बनमा परेका छन् ।
आफ्नै कार्यकक्षमा एक महिला कर्मचारीमाथि अश्लिल हर्कत गरेको भिडियो बाहिर सार्वजनिक भएसँगै उनी निलम्बनमा परेका हुन् ।
विश्वविद्यालयका उपकुलपति पुण्य रेग्मीले उनलाई निलम्बन गरेर छानविन प्रक्रिया सुरु गरेको संसारन्युजलाई जानकारी दिएका छन् ।

‘कसैबाट उजुरी परेको छैन । हामीले पनि संचारमाध्यम तथा सामाजिक संजालमा आएको समाचारबाट थाहा पाएका हौं । उहाँलाई निलम्बन गरिसकेका छौं । अब छानबिनको प्रक्रियामा छौं ।’ उपकुलपति रेग्मीले भने ।

गत फागुन ३ गते एएफयूको चितवन रामपुरमा रहेको कृषि संकायको डिनको कार्यकक्षभित्रै दत्तले महिलमाथि अश्लिल शर्कत गरेको भिडियो सार्वजनिक भएको हो । जुम माध्यमबाट मिटिङ भइरहेको अवस्थामा दत्तले आफ्नै कार्यकक्षमा आएकी महिलालाई आफुतिर तान्दै अश्लिल हर्कत गरेको भिडियो सार्वजनिक भएको हो ।