काठमाडौं । उपराष्ट्रपति निर्वाचनको अघिल्लो दिन नै उपराष्ट्रपति नन्दबहादुर पुनले सरकारी निवास छोडने भएका छन् । लैनचौरस्थित सरकारी निवासबाट चन्द्रागिरि नगरपालिका दहचोकमा बनेको निजी निवासमा सर्ने तयारी गरिएको हो।
नयाँ उपराष्ट्रपतिका लागि शुक्रबार निर्वाचन हुँदैछ ।
पुनले दहचोकमा निजी निवास निर्माण गरिसकेका छन् ।
नयाँ उपराष्ट्रपतिका लागि नेपाली कांग्रेस, माओवादी केन्द्र, नेकपा एकीकृत समाजवादी, नेपाल समाजवादी पार्टी लगायतका दलको गठबन्धनबाट जनता समाजवादी पार्टी (जसपा) संसदीय दलका नेता रामसहायप्रसाद यादव उम्मेदवार छन्।
गठबन्धनभित्रकै जनमत पार्टी, लोसपा र नागरिक उन्मुक्तिबाट जनमतकी समानुपातिक सांसद ममता झालाई उपराष्ट्रपति उम्मेदवार बनाएको छ। नेकपा एमालेले अष्टलक्ष्मी शाक्यलाई उम्मेदवार बनाएको छ।
