Sansar News
काठमाडौं । मन्त्रिपरिषदको बैठक आज दिउँसो बस्ने भएको छ ।
आज दिउँसो ४ बजे सिंहदरबारमा बस्ने मन्त्रिपरिषद्को बैठकले प्रहरी महानिरीक्षक (आईजीपी) नियुक्तिका विषयमा निर्णय गर्नेछ ।
प्रहरी महानिरीक्षक धिरजप्रताप सिंह शनिबारबाट अवकासमा जान लागेकाले नयाँ प्रहरी महानिरीक्षक (आइजीपी) नियुक्ति हुनेछन् ।
सिंहको अवकाससँगै नयाँ आइजीपीका लागि पाँचजना एआइजीहरु दावेदार रहेका छन् ।
चैत ६ गतेको मन्त्रिपरिषद् निर्णयबाट बढुवा भएका एआइजी वसन्त कुँवर, टेकप्रसाद राई, दीपक थापा, श्यामलाल ज्ञवाली र किरण बज्राचार्यआइजीपीका दावेदार रहेका छन् ।
नियमित रुपमा बिहीबार बस्ने मन्त्रिपरिषद्को बैठक आजका लागि सारिएको हो ।
वि.सं.२०७९ चैत १० शुक्रवार १०:२१ मा प्रकाशित
