हामी सबैकाे संसारन्यूज

काठमाडौं । पाँचथरको मिक्लाजुङ गाउँपालिकाले, जनप्रतिनिधि, शिक्षक, कर्मचारी लगायत सरकारी कार्यालयमा काम गर्नेहरुले अनिवार्यरुपमा आफ्ना बालबालिका सरकारी स्कुलमा पढाउनुपर्ने सूचना जारी गरेको छ ।

उक्त सूचनामा पालिका भरी रहेका विद्यालयमा कार्यरत शिक्षक र कर्मचारीहरुका छोरा, छोरीहरुलाइ २०८० देखि अनिवार्य रुपमा आधारभुत तह (कक्षा ८) सम्म सामुदायिक विद्यालयमा पठनपाठन गराउन अनुरोध गरेको छ ।

‘यस कार्यलयको मिति २०७९/१२/१३ गतेको (पालिकाअध्यक्षस्तरीय) निर्णय बमोजिम सम्पूर्ण मिक्लाजुङ गाउँपालिका भरिका निर्वाचित जनप्रतिनिधिहरु, सामुदायिक विद्यालयका कार्यरत शिक्षक तथा शिक्षिकाहरु, विद्यालय, कर्मचारीहरु र सरकारी कार्यालयमा कार्यरत कर्मचारीहरुका छोरा, छोरीलाई शैक्षिक सत्र २०८० देखि अनिवार्यरुपमा सामुदायिक विद्यालयमा भर्ना गराउनु हुन सूचना प्रकाशित गरिएको छ ।’ सूचनामा भनिएको छ ।