हामी सबैकाे संसारन्यूज

काठमाडौं । बैशाख १० गते सम्पन्न उपनिर्वाचनमा राष्ट्रिय स्वतन्त्र पार्टी (रास्वपा)बाट तनहुँ १ बाट प्रतिनिधि सभा सदस्यमा निर्वाचित डा. स्वर्णिम वाग्लेले बिहीबारबाट प्रतिनिधि सभाको यात्रा सुरु गरेका छन् ।

डा. वाग्लेले आज संसदमा सम्बोधन गर्ने क्रममा पृथ्वी राजमार्ग विस्तार र ऐतिहासिक घाँसी कुवाको विषयलाई लिएर आफ्ना भनाई राखेका हुन् ।

सांसद डा. वाग्लेले तनहुँ जिल्ला हुँदै पोखरा पुग्ने पृथ्वी राजमार्गको विस्तार भइरहेको र त्यो आवस्यक रहेको तर यसले सर्वसाधारण जनताको दैनिकीमा असुविधा ल्याएको समेत बताए ।

‘जनस्वास्थ्यका दृष्टिले धुलाम्य सडक र राइट अफ वे स्थापित गर्दा घाँसी कुँवा लगायतका ऐतिहासिक र पुरातात्विक महत्वका संरचनाहरुको उतिव व्यवस्थापन गर्नुपर्ने देख्दछु ।’ उनले भने ।