Sansar News
काठमाडौं । राष्ट्रिय स्वतन्त्र पार्टी (रास्वपा) की सांसद सुमना श्रेष्ठले परराष्ट्र नीतिलाइ संस्थागत गर्न सबै दलहरु र राजनीतिक नेताहरुले पहल गर्नुपर्ने माग गरेकी छन् ।
शुक्रबार प्रतिनिधि सभाको बैठकमा सम्बोधन गर्दै सांसद श्रेष्ठले बैदेशिक हस्तक्षेप कसरी रोक्ने भन्ने विषयमा बोल्दै सरकारमा बस्ने र शिर्ष नेताहरुले परराष्ट्र नीतिलाई संस्थागत गर्न पहल नगर्ने र व्यक्ति तथा पार्टीलाई माथि राख्दासम्म हरेकपटक यस्तै समय चक्र चलिरहने बताइन् ।
उनले विदेश भ्रमणको कार्यसूची सदनबाट पास गर्नुपर्ने, भ्रमणपछि संन्धि ऐनको दफा १० मा लेखे बमोजिम जानकारी दिनुपर्ने, कुनै पनि सन्धि एक्लै सुटुक्क थाहै नदिइ गर्ने र समग्र नेपाल र नेपालीलाई बन्धक राख्ने प्रणाली बन्द गर्नुपर्ने समेत बताइन् ।
उनले यत्ति गर्न सकेमा मीत्र राष्ट्रहरुले पनि नेपालमा परारष्ट्र मामिलामा एकरुपता आयो भनेर सन्देश दिन सकिने बताइन् ।
‘हामीले हाम्रा मुद्दा प्रष्ट राख्ने र मित्र राष्ट्रहरुको सुरक्षा चिन्ता अर्को कुनै मीत्र राष्ट्रलाई सन्देह नहुने गरी सम्बोधन गर्नुपर्छ ।’
वि.सं.२०८० वैशाख १५ शुक्रवार १५:४९ मा प्रकाशित
