हामी सबैकाे संसारन्यूज

काठमाडौं । राष्ट्रिय प्रजातन्त्र पार्टीको अवरोधका कारण प्रतिनिधि सभाकाे बैठक स्थगित भएको छ।

भुटानी शरणार्थी प्रकरणमा राप्रपा अध्यक्ष तथा संसदीय दलका नेता राजेन्द्र लिङ्देन बाेल्न समय माग गरेका थिए । तर, सभामुख देवराज घिमिरेले प्रि–बजेट छलफल बाहेक संसद्‌मा अहिले अन्य विषय प्रवेश नगराउने सहमति भएको भन्दै निर्धारित कार्यसूचीअनुसार संसद् बैठक अगाडि बढाउन खोजेपछि राप्रपा सांसदहरुले अवरोध सिर्जना गरेका थिए।

राप्रपाका सांसद्‌हरुले वेल घेराउसहित अवरोधपछि सभामुख घिमिरेले १५ मिनेटका लागि बैठक स्थगित गरेका हुन्।

बुधवारको संसद बैठकमा अर्थमन्त्री डा. प्रकाशशरण महतले आगामी बजेटका विषयमा जवाफ दिने कार्यसूची छ।