हामी सबैकाे संसारन्यूज

काठमाडौं । भुटानी शरणार्थी बनाएर अमेरिका लैजाने भन्दै ठगि गरिएको प्रकरणमा एकपछि अर्को गर्दै उच्च स्तरका नेताहरु पक्राउ पर्न थालेका छन् । बुधबार पूर्वगृहमन्त्रीसमेत रहेका नेता बालकृष्ण खाँण र उनका सहयोगी आरोपितको बयानका आधारमा पक्राउ परेका छन् । खाँण र उनका सहयोगी स्वकीय सचिव नरेन्द्र केसी पक्राउ परेसँगै यस प्रकरणमा पक्राउ पर्नेको संख्या १२ पुगेको हो ।

यसअघि मंगलबार मात्रै काठमाडौं टोखाका रामशरण केसी र मोरङका गोविन्द चौधरी पक्राउ परेका थिए ।

नक्कली शरणार्थी प्रकरणमा पूर्वगृहमन्त्री रामबहादुर थापाका सुरक्षा सल्लाहकार इन्द्रजित राई, तत्कालिन गृहसचिव तथा उपराष्ट्रपति कार्यालयका सचिव टेकनारायण पाण्डे, ललितपुर महानगरपालिका–२३ घर भएका सानु भण्डारी, एमाले सचिव टोपबहादुर रायमाझीका छोरा सन्दीप रायमाझी समातिइसकेका छन्। यस्तै, प्रहरीले मोरङको पथरी शनिश्चरे नगरपालिका–१० घर भएका केशवप्रसाद दुलाल, पाँचथरको फिदिम नगरपालिका–७ घर भएका टंककुमार गुरुङ, दाङ घर भएका सन्देश शर्मा र मोरङको पथरी शनिश्चरे नगरपालिका–१० का पूर्ववडाध्यक्ष सागर राईलाई पनि पक्राउ गरेको छ।

नक्कली भुटानी शरणार्थी प्रकरणमा पूर्वउप्रधानमन्त्री तथा एमालेका सचिव टोबहादुर रायमाझी भने फरार छन् । पक्राउ पुर्जी जारी भएलगत्तै उनी फरार भएका थिए । यस्तै, रामबहादुर थापा बादलका छोरा प्रतिक थापा पनि पक्राउ पुर्जी जारी भएसँगै फरार छन् । प्रहरीले दुवैको खोजीलाई तिव्रता पनि दिएको छ ।

सम्बन्धित समाचार

पूर्वगृहमन्त्री बालकृष्ण खाँण पक्राउ

नक्कली भु्टानी शरणार्थी प्रकरण : खाँणका स्वकीय सचिव पनि पक्राउ