हामी सबैकाे संसारन्यूज

काठमाडौं । उच्च राजनीतिक नेतृत्वबीच नक्कली भुटानी शरणार्थी प्रकरणको छानबिनमा राजनीतिक हस्तक्षेप नगर्ने सहमति भएको छ । प्रधानमन्त्री एवम् माओवादी केन्द्रका अध्यक्ष पुष्पकमल दाहाल प्रचण्ड, कांग्रेस सभापति शेरबहादुर देउवा र एमाले अध्यक्ष केपी शर्मा ओलीबीच भएको छलफलमा यस्तो सहमति भएको हो ।

बैठकको छलफलबारे सञ्चारकर्मीसँग कुराकानी गर्दै उनले भनेका छन्, “प्रहरीले आफ्नो काम गरिरहेको छ । जे भइरहेको छ नियम र विधि पद्धतिअनुसार काम भइरहेको छ । प्रहरीको अनुसन्धानमा कुनै डिस्टर्ब गर्नुहुन्न भन्नेमा हाम्रो सहमति भएको छ ।”

सञ्चार माध्यममा जे–जसरी प्रचार भएको छ, सोअनुसार दोषीलाई उम्काउने प्रयास नभएको उनले स्पष्ट पारे । “सदनलाई कसरी सूचारु गरेर लैजाने ? त्यहाँ समितिहरु कसरी बनाउने, संयुक्त समितिहरु कसरी बनाउने भन्ने विषयमा बढीजसो छलफल हुने गरेको हो”, पत्रकारको प्रश्नको आशयमा उनले भने, “तपाईंहरुलाई लागेको छ, त्यही एउटै केसमा तर, त्यो होइन ।”