काठमाडौं । आइजीआई प्रुडेन्सियल इन्स्योरेन्स लिमिटेडका अध्यक्ष हेमराज ढकालले पद तथा गोपनीयताको सपथ लिएका छन् । उनले बुधबार नेपाल बीमा प्राधिकरणका अध्यक्ष सुर्यप्रसाद सिलवाल समक्ष सपथ लिएका हुन् ।
उक्त अवसरमा नव निर्वाचित अध्यक्ष हेमराज ढकालले नेपाल बीमा प्राधिकरणको निर्देशानुसार समयमा कार्य सम्पन्न गर्न सफल भएकोमा नियमनकारी निकायलाई धन्यवाद व्यक्त गरे । साथै सोही अवसरमा नेपाल बीमा प्राधिकरणका अध्य्क्ष सिलवालले हेम राज ढकाललाई सफल कार्यकालको लागि शुभकामना दिएका छन् ।
आइएमई जनरल इन्स्योरेन्स र प्रुडेन्सियल इन्स्योरेन्सले मर्जर प्रक्रिया सम्पन्न गरेर आज वैशाख २७ गतेबाट एकिकृत कारोबार सुरु गरेका हुन् । आईजीआई प्रुडेन्शियल इन्स्योरेन्सको नामबाट एकीकृत कारोबार शुरु भएको हो ।
दुवै कम्पनी एक बराबर एकको स्वाप अनुपातमा मर्ज भएका हुन् । मर्जर पश्चात बनेको आइजिआई प्रुडेन्सियलको प्रमुख कार्यकारी अधिकृतमा आइएमई जनरल इन्स्योरेन्स कम्पनीका सिईओ युगेशभक्त वादे श्रेष्ठ रहेका छन् भने अध्यक्ष हेमराज ढकाल रहेका छन् ।
