Sansar News
काठमाडौं । सरकारले आज २०८०\०८१ को नीति तथा कार्यक्रम प्रस्तुत गर्दैछ ।
आज अपरान्ह ४ बजे बस्ने प्रतिनिधि सभा र राष्ट्रिय सभाको संयुक्त बैठकमा राष्ट्रपति रामचन्द्र पौडेलले नीति तथा कार्यक्रम संसदमा प्रस्तुत गर्ने कार्यसूची रहेको छ ।
प्रतिनिधि सभाको बिहीबारको बैठकमा सभामुख देवराज घिमीरेले नीति तथा कार्यक्रम प्रस्तुतका विषयमा सुनाउँदै शुक्रबार अपरान्ह पौने ४ बजे संसदले निर्धारण गरेको पोशाकमा सबै सांसदहरुलाई उपस्थित हुन निर्देशन दिएका थिए ।
बैठकमा साँझ ६ बजे प्रधानमन्त्री पुष्पकमल दाहाल ‘प्रचण्ड’ ले संघीय संसदको दुवै सदनको संयुक्त बैठकलाई राष्ट्रपति पौडेलले गरेको सम्बोधनको प्रति टेवुल गर्ने कार्यसूची रहेको पनि संसद सचिवालयले जनाएको छ ।
संवैधानिक व्यवस्था अनुसार सरकारले हरेक वर्ष जेठ १५ गते वार्षिक बजेट ल्याउनुपर्ने व्यवस्था रहेको हुँदा त्यसअघि राष्ट्रपति मार्फत् सदनमा नीति तथा कार्यक्रम सार्वजनिक गर्ने प्रावधान रहेको छ ।
वि.सं.२०८० जेठ ५ शुक्रवार ०९:०५ मा प्रकाशित
