हामी सबैकाे संसारन्यूज

काठमाडौं । सरकारले गैरआवासीय नेपालीहरु (एनआरएन) का लागि पुँजी बजारमा लगानी खुला गर्ने बताएको छ ।
शुक्रबार राष्ट्रपति रामचन्द्र पौडेलले संसदको संयुक्त बैठकमा प्रस्तुत गरेको २०८०/०८१ को नीति तथा कार्यक्रममा एनआरएनहरुका लागि लगानी खुला गरिने उल्लेख छ ।

त्यसैगरी बैदेशिक रोजगारीमा जाने श्रमिकहरुका लागि सरकारी ऋणपत्रका साथै नीजि क्षेत्रका योजनाको प्राथमिकतामा सेयर लगानी गर्न प्रेरित गरिने बताइएको छ ।

‘गैरआवासीय नेपालीको ज्ञान, सीप, पुँजी प्रविधि, संजाल र पहुँचलाई मुलुकको विकास र समृद्दिसँग जोड्न विशेष कार्यक्रम ल्याइनेछ ।’ उक्त नीति तथा कार्यक्रममा भनिएको छ ।