Sansar News
चितवन । चितवनमा ट्रकको ठक्करबाट स्कुटर चालकको मृत्यु भएको छ ।
भरतपुर महानगरपालिका–१२ टिकौली जंगलको सडकमा ना.४ ख ६६७४ नम्बरको ट्रकले बागमती प्रदेश ०३–००२प ७६८८ नम्बरको स्कुटरलाई आज बिहान ठक्कर दिँदा स्कुटर चालक भरतपुर महानगरपालिका–११ बस्ने २० वर्षीय सागर तामाङको मृत्यु भएको हो ।
दुर्घटनामा गम्भीर घाइते भएका तामाङको भरतपुर सरकारी अस्पतालमा उपचारको क्रममा मृत्यु भएको हो ।
तामाङसँगै स्कुटरमा सवार एकको नयाँ मेडिकल कलेज भरतपुरमा उपचार भइरहेको छ ।
ट्रक चालकलाई प्रहरीले नियन्त्रणमा लिनुका साथै दुर्घटनाका सम्बन्धमा आवश्यक अनुसन्धान गरिरहेको प्रहरीले जनाएको छ ।
वि.सं.२०८० जेठ ७ आइतवार १७:२९ मा प्रकाशित
