Sansar News
काठमाडाैं । सरकारले विश्व बैंकबाट प्राप्त हुने १२० मिलियन डलर बराबरको सहुलियतपूर्ण ऋण सहायता लिने भएकाे छ । मंगलबार सिंहदरबारमा बसेको मन्त्रीपरिषद्को बैठकले विद्यालय क्षेत्र सुधार कार्यक्रमका लागि उक्त ऋण सहायता स्वीकार गर्ने निर्णय गरेको हाे।
विद्यालय शिक्षा क्षेत्र आयोजनका लागि शिक्षाका लागि विश्वव्यापी साझेदारी कार्यक्रमबाट प्राप्त हुने १९ दशमलव ७० मिलियन अमेरिकी डलर बराबरको अनुदान सहायता स्वीकार गर्ने निर्णय गरेको सरकारका प्रवक्ता एवम् सञ्चारमन्त्री रेखा शर्माले जानकारी दिएकी छिन् ।
यस्तै, बैठकले हरेक वर्षको असोज २ गतेलाई राष्ट्रिय शिक्षा दिवसका रुपमा मनाउने निर्णय पनि गरेकाे छ ।
वि.सं.२०८० जेठ ९ मंगलवार १७:३२ मा प्रकाशित
