हामी सबैकाे संसारन्यूज

काठमाडौं । काठमाडौं महानगरपालिकाभित्र संचालनमा रहेर छात्रवृत्ति प्रदान नगरेका ३४२ विद्यालयको नाम सार्वजनिक गरेको छ ।

महानगरको नियम अनुसार १० प्रतिशत छात्रवृत्ति उपलब्ध गराउन नमानेका ती विद्यालयको सूची सार्वजनकि गरिएको हो ।

यसअघि महानगरले जेठ १० गते १० प्रतिशत विद्यार्थीलाई छात्रवृत्ति प्रदान गर्न निर्देशन दिँदै त्यसको विवरण वेवसाइटमा प्रकाशित गर्न भनेकोमा त्यस अनुसार विवरण उपलब्ध नगराएका विद्यालयको सूची सार्वजनिक गरिएको हो ।

महानगरले पुनः दोस्रो पटक ताकेता गर्दै जेठ २८ को अन्तिम समयसीमा दिँदै गतेभित्र ती विवरण उपलब्ध नगराएमा काठमाडौँ महानगरपालिका शिक्षा ऐन, २०७५ को दफा ५६ को उपदफा ४ अनुसार विद्यालयलाई प्रदान गरिएको अनुमति वा स्वीकृति रद्द अथवा प्रचलित कानून बमोजिम हदैसम्मको कारबाही गर्ने चेतावनी समते दिएको छ ।