हामी सबैकाे संसारन्यूज

काठमाडौं । एमालेका अध्यक्ष केपी शर्मा ओलीले बजेटमा गाँजाको विषय प्रवेश नियोजित रुपमा भएको आरोप लगाएका छन् । मंगलबारको संसद बैठकमा बोल्दै ओलीले गाँजाखेति कसका लागि चाहियो ? भनि प्रश्न गरे ।

मुलुकलाई कृषिमा आत्मनिर्भर बनाउनेतर्फ नभई फेन्सी शैलीमा गाँजाको विषय आएको ओलीको आरोप छ ।

“धान फलाउने, आलु फलाउने, गहुँ फलाउने, कृषि बढाउने, खाद्यान्नमा आत्मनिर्भरता बनाउने कुरा छैन, कसले गर्न खोजिरहेको यो गाँजाखेति ? यो कसका लागि गाँजाखेति ?”, ओलीले भने, “अहिले मान्छेको दृष्टिगोचर भएको छैन, कोही छ यसको पछाडि, कतिपयलाई परेको होला, हाम्रो गाउँमा गाँजा हुन्छ, त्यसबाट कतिको जिविको चलेको छ, यो नियन्त्रित, नियोजित गाँजाखेतिको कुरा गरेको हो ।”

उनले बजेटमा उल्लेखित विषय लागु भएसँगै गाउँ–गाउँका सोझा नागरिक झ्यालखानामा पुग्ने बताए ।

“यो लागु भएपछि त लाइसेन्स प्राप्तले मात्रै गाँजाखेति गर्छ, गाउँ–गाउँमा गएर उखेलिन्छ, गरिबले गरिरहेको मर्का पर्ने देखिया”, उनले भने, “जनताले गाँजा खेति कहाँ गरेको छ ? अहिलेको नीति गाउँले निमुखालाई झ्यालखाना जान्छ ।”

उनले गाँजाको लाइसेन्स दिने विषयमा ठूलो खेल हुने आशंका व्यक्त गरे । नाम नभनेपनि ओलीले केहीका पछाडि यसको गिरोह रहेको संकेत गरे ।