हामी सबैकाे संसारन्यूज

काठमाडौं । सानिमा जिआइसी इन्स्योरेन्सको पाँचौ वार्षिक साधारण सभाले ६ जना संचालक निर्विरोध निर्वाचित गरेको छ ।

कम्पनीको जेठ २३ मा सम्पन्न पाँचौ वार्षिक साधारण सभाबाट संस्थापक समुहबाट तीन जना र सर्वसाधारण समुहबाट तीनजना सञ्चालकहरु निर्वाचित गरेको हो ।

साधारण सभा पश्चात सोहि दिन बसेको सञ्चालक समितिको १२३ औ बैठकबाट संचालक कुनाल कयाल सञ्चालक समितिको अध्यक्षमा सर्वसम्मत चयन भएकोले बीमा ऐन, २०७९ को दफा ४७ को उपदफा (६) बमोजिम अध्यक्षले असार १ गते नेपाल बीमा प्राधिकरणका अध्यक्ष सूय प्रसाद सिलवाल समक्ष शपथ ग्रहण गरेका थिए ।

सो सपथ ग्रहण कार्यक्रममा प्राधिकरणका कार्यकारी निर्देशक राजु रमण पौडेल, सानिमा जिआईसी इन्स्योरेन्सका प्रमुख कार्यकारी अधिकृत सुद्युम्न प्रसाद उपाध्याय र कम्पनी सचिव तथा नायव महाप्रबन्धक सुवोध लाल श्रेष्ठको उपस्थिती रहेको थियो ।