Sansar News
काठमाडौं । नेकपा माओवादी केन्द्रको नेतृत्वमा चारदलको संयुक्त मोर्चा घोषणा भएको छ ।
राष्ट्रिय सभागृहमा सोमबार आयोजित एक कार्यक्रमकाबीच माओवादी केन्द्रको नेतृत्वमा जनता समाजवादी पार्टी, एकीकृत समाजवादी र विप्लव नेतृत्वको नेकपा सम्मिलित संयुक्त समाजवादी मोर्चा घोषणा भएको हो ।
समाजवादी मोर्चाले चारपृष्ठ लामो प्रस्तावना समेत समर्वजनिक गरेको छ । जसमा मोर्चाको आगामी कार्यदिशाका बारेमा उल्लेख छ ।
दलहरुले मोर्चाको आलोपालो नेतृत्व गर्ने र निर्णय प्रक्रिया सहमति र सहकार्यको माध्यमबाट हुने सहमति गरेको छन् । साथै मोर्चामा सहभागी हुने सदस्य दलका अध्यक्ष सहितको एउटा संयोजन समिति बन्ने र त्यसले आवस्यकता अनुसार उपसमितिहरु बनाएर अन्य दलहरुलाई पनि मोर्चामा सहभागी गराउने निर्णय समेत भएको बताइएको छ ।
वि.सं.२०८० असार ४ सोमवार १७:२६ मा प्रकाशित
