हामी सबैकाे संसारन्यूज

काठमाडौं । प्रधानमन्त्री पुष्पकमल दाहाल ‘प्रचण्ड’ ले गोरखामा पाँचजनाको ज्यान जानेगरी भएको सवारी दुर्घटनाप्रति दुःख व्यक्त गर्दै मर्माहत भएको बताएका छन् ।

‘गोरखा जिल्लाको सहिदलखन गाउँपालिका–३ मा सवारी दुर्घटना हुँदा पाँच जनाको दुखद् निधनको खबरले मर्माहत भएको छु । दुर्घटनामा परी निधन हुनुभएकाहरु प्रति भावपूर्ण श्रद्धाञ्जली अर्पण गर्दै शोकाकुल परिवार तथा आफन्तजनमा गहिरो समवेदना प्रकट गर्दछु । दुर्घटनामा परी घाइते हुनुभएकाहरुको शीघ्र स्वास्थ्य लाभको कामना गर्दछु ।’ प्रधानमन्त्रीले समवेदना व्यक्त गर्दै भनेका छन् ।

गोरखाको सहिद लखन गाउँपालिका–३ सिलिङमा जन्ती बोकेको प्रदेश ३–०१–०२३ च २४२७ नम्बरको गाडी शुक्रबार बिहान दुर्घटना हुँदा एकै गाउँका पाँचजनाको मृत्यु भएको थियो भने १२ जना घाईते भएका छन् ।

गोरखा जिप दुर्घटना : मृत्यु हुने पाँचैजनाको पहिचान खुल्यो