Sansar News
काठमाडौं । ग्लोबल आइएमई र अन्तर्राष्ट्रिय वित्त निगम (आइएफसि)द्वारा बैंकका कर्मचारीलाई वातावरण तथा सामाजिक जोखिम व्यवस्थापन विषयक तालिम सम्पन्न गरेको छ ।
बैंकका कर्जा विभागमा कार्यरत करिव ४ सय जना कर्मचारीहरुलाई उक्त तालिममा सहभागी भएका थिए । तालिम ग्लोबल आइएमई बैक र अन्तर्राष्ट्रिय वित्तीय निगमको सहकार्यमा सम्पन्न भएको हो ।
उक्त कार्यक्रम विशेष गरेर आइएफसी परफरमेन्स स्ट्यान्डर्ड र असल वातावरण तथा सामाजिक जोखिम व्यवस्थापनमा केन्द्रित रहेको थियो । तालिम कार्यक्रम आइएफसिका वातावरण तथा सामाजिक जोखिम विज्ञहरुले संचालन गरेका थिए ।
अन्तर्राष्ट्रिय रुपमा प्रयोग भइरहेका असल वातावरण तथा सामाजिक अभ्यास, संस्थागत शुसासन लगायतका विषयहरुबाट बैंकको कर्जा विभागमा कार्यरत जनशक्तिको क्षमता अभिवृद्घि भई समग्र र्बैंकिङ क्षेत्र लाभान्वित हुने विश्वास बैंकले लिएको छ ।
वि.सं.२०८० असार ११ सोमवार ०८:४८ मा प्रकाशित
