हामी सबैकाे संसारन्यूज

काठमाडौं । आज कोशी, बागमती र कर्णाली प्रदेशका केही स्थानहरूमा तथा बाँकी प्रदेशका थोरै स्थानहरूमा मेघ–गर्जन/चट्याङ्ग सहित हल्का देखि मध्यम वर्षाको सम्भावना रहेको छ।

मौसम पूर्वानुमान महाशाखाका अनुसार आज दिउँसो कोशी, बागमती र कर्णाली प्रदेशको एक–दुई स्थानमा भारी वर्षाको पनि सम्भावना रहेको छ। सुदूरपश्चिम प्रदेशको तराईका एक–दुई स्थानहरू र बाँकी तराईका धेरै भू–भागहरूमा हावा हुरीको समेत संभावना रहेको छ ।

त्यस्तै राति पनि कोशी, गण्डकी, लुम्बिनी र सुदूरपश्चिम प्रदेशका केही स्थानहरूमा र बाँकी प्रदेशका थोरै स्थानहरुमा मेघ–गर्जन/चट्याङ्ग हल्का देखि मध्यम वर्षाको सम्भावना रहेको छ ।

कोशी, गण्डकी,लुम्बिनी र सुदूरपश्चिम प्रदेशको एक–दुई स्थानमा भारी वर्षाको पनि सम्भावना रहेको छ । सुदूरपश्चिम प्रदेशको तराईका एक–दुई स्थानहरू र बाँकी तराईका धेरै भू–भागहरूमा हावा हुरीको समेत संभावना रहेको महाशाखाले जनाएको छ ।

महाशाखाका अनुसार आज दिउँसो सिन्धुपाल्चोक, रसुवा, गोरखा, लमजुङ, पर्वत, म्याग्दी र बाग्लुङ आसपास भई बहने नदीको बहाव बढ्ने सम्भावना रहेकोले आवश्यक सतर्कता अपनाउन अनुरोध गरिएको छ ।