हामी सबैकाे संसारन्यूज

काठमाडौं । समृद्धि फाइनान्स कम्पनीले कपिलवस्तुको खरेन्द्रपुरमा आफ्नो १३औं शाखाको विस्तार गरेको छ ।

फाइनान्सले १३औं शाखाका रुपमा खरेन्द्रपुरमा शाखा कार्यालयको विस्तार गरेको हो । उक्त कार्यालयको शिवराज नगरपालिकाका मेयर अजय थापा र समृद्धि फाईनान्सका संचालक बिनोदकुमार सुबेदीले संयुक्तरुपमा गरेका थिए ।

उक्त उद्घाटन कार्यक्रममा मेयर थापाले सो भेगमा बैकको अत्यधिक आवश्यकता रहेको र रकम जम्मा तथा बैंकिङ कारोबार गर्न यहाँका स्थानीय बासिन्दा धेरै अप्ठ्यारो परिरहेको परिस्थितिमा अब फाइनान्सको शाखा विस्तारले सहज हुने बताएका थिए ।

संस्थाको नायब प्रमुख कार्यकारी अधिकृत गोकर्ण प्रसाद दुवाडीले सस्थाको परिचयका साथै संस्थाले उपलब्ध गराउने सेवा सुबिधा बारे प्रकाश पार्दै स्वागत मन्तव्य राखेका थिए ।

उक्त कार्यक्रममा चन्दौटा उद्योग वाणिज्य संघका अध्यक्ष ईश्वरी प्रसाद पाण्डे, शिवराज नगरपालिका वडा नं. ३ का वडा अध्यक्ष टेकलाल सापकोटा र वडा नं. ४ का वडा अध्यक्ष नसिम अहमद खाँ लगायतले आफ्नो धारणा राखेका थिए ।