Sansar News
ब्रसेल्स । युरोपेली सङ्घ काउन्सिलले ईयु विदेश मन्त्रीले युक्रेनलाई हतियार आपूर्तिका लागि पैसा छुट्याएको उल्लेख गरेको रुसी समाचार एजेन्सी तासले जनाएको छ ।
लक्जेम्बर्गमा भएको बैठकपछि ईयुका २७ सदस्य राष्ट्रका विदेश मन्त्रीले युरोपेली शान्ति सुविधामा ३.५ बिलियन युरोको बजेट बढाएर अनुमोदन गरेका छन् । साथै ब्रसेल्सले युक्रेनलाई हतियार आपूर्तिको लागि रकम विनियोजन गरेको छ ।
सोमबारको विज्ञप्तिमा भनिएको छ, काउन्सिलले आज युरोपेली शान्ति सुविधाको समग्र वित्तीय सीमा सन् २०२३ मार्च २० बाट लागू हुने गरी अघिल्लो सम्झौताको आधारमा सो थप रकम वृद्धि गर्ने निर्णय गरेको छ ।
“यो कार्य वित्तीय दिगोपन, सुरक्षित, शान्तिपूर्ण भविष्य सुनिश्चित गर्न, यसको विश्वव्यापी भौगोलिक दायरा, सङ्कट, द्वन्द्वलाई रोक्न र त्यसका लागि शीघ्र प्रतिक्रिया गर्ने ईयुको क्षमतालाई जोगाउनको लागि हो”, विज्ञप्तिमा भनिएको छ । (रासस/एएनआई)
वि.सं.२०८० असार १२ मंगलवार १७:१० मा प्रकाशित
