हामी सबैकाे संसारन्यूज

काठमाडौं । साउदी अरबको जेद्धास्थित अमेरिकी वाणिज्य दूतावास अगाडि गोली चल्दा सुरक्षामा बसिरहेका एक नेपालीको मृत्यु भएको छ ।

समाचार ऐजेन्सीका अनुसार उक्त घटनामा दूतावासमा सुरक्षा गार्डका रुपमा खटिएका एक नेपालीसहित अन्य दुईजनाको मृत्यु भएको हो । मृतक नेपालीको ठेगाना भने खुलाइएको छैन ।

जेद्दास्थित उक्त दूतावास नजिकै एक हतियाधारी व्यक्ति कार रोकेर बन्दुकसहित झरेका थिए । उनलाई त्यहाँ सुरक्षा दिइरहेका सुरक्षाकर्मीले सम्झाएर फर्काउन खोज्दा सुरक्षाकर्मीमाथि नै गोली हानेको समाचार एजेन्सीले जनाएका छन् । उक्त घटनामा सुरक्षाकर्मीले पनि गोली चलाउँदा बन्दुकधारी व्यक्ति पनि मारिएको मक्कास्थित प्रहरी प्रवक्ताले जनाएका छन् । प्रहरीले उक्त घटनाका बारेमा थप अनुसन्धान गरिरहेको जनाएको छ ।