हामी सबैकाे संसारन्यूज

काठमाडौं । बर्दीमै रहेका बेला टिकटक बनाएर सामाजिक संजालमा अपलोड २०८ जना प्रहरीलाई प्रहरी प्रधान कार्यालयले कारबाही गरेको हो ।

प्रहरीका केन्द्रीय प्रवक्ता प्रहरी नायव निरीक्षक कुँबेर कडायतका अनुसार २०७७ सालदेखि चालु आवको असार २२ गतेसम्म २०८ जनालाई कारबाही गरिएको हो ।

प्रवक्ता कडायतका अनुसार २०७७/०७८ मा ८२, २०७८/०७९ मा ३० जना र २०७९/०८० मा ९६ जना प्रहरी काराबाहीमा परेका हुन् ।कडायतका अनुसार पहिलोपटक टिकटक बनाएमा चेतावनी, दोहोरिएमा एकदिनको तलब काट्नेदेखि बढुवा रोक्ने सम्मका कारबाही गरिएको हो ।

कडायतका अनुसार २०७७ असोज २२ मा हेडक्वाटरले कार्यालयको अनुमति नलिइकन भिडिओ, चलचित्र, टेलिचलचित्र, टिकटक भिडिओ बनाएको पाइएमा कारबाही गर्ने चेतावनी दिएपनि त्यो नरोकिएको प्रवक्ता कडायतले बताए ।