हामी सबैकाे संसारन्यूज

नैरोबी । गैरआवासीय नेपाली संघ (एनआरएनए) केन्याको छैठौ अधिवेशन सम्पन्न भएको छ ।

केन्याको राजधानी नैरोबीस्थित अंगुठी रेष्टुरेण्टको हलमा सम्पन्न उक्त अधिवेशनमा परिषद्का अध्यक्ष कृष्णप्रसाद गैरेको सभापतित्व तथा केन्याको लागि अवैतनिक महावाणिज्यदूत जिम्मी अस्करको प्रमुख आतिथ्यता रहेको थियो ।

कार्यक्रममा पूर्वआइसीसी सदस्य यादव काफ्ले, संस्थापक अध्यक्ष एवं केन्द्रीय निर्वाचन पर्यवेक्षक कुल बहादुर कार्कीको विशेष उपस्थिति रहेको थियो ।

अवैतनिक महावाणिज्यदूत जिम्मी अस्करद्वारा दिप प्रज्वलन गरि सुरुवात गरिएको उक्त कार्यक्रममा उपस्थित अथितिहरूलाई महिला उपाध्यक्ष लक्ष्मी बुलुन र कविता अधिकारीले स्वागत अतिथिहरुलाई खाता ओडाएर स्वागत गरेका थिए भने परिषद्का बरिष्ठ उपाध्यक्ष शिवलाल अधिकारीले स्वागत मन्तव्य राखेका थिए ।

त्यस्तै समितिका महासचिव यज्ञमणि रेग्मी (भरत) ले पेश गरेको २०२१÷२०२३ को बार्षिक प्रतिबेदन, कोषाध्यक्ष रवि जैनले आर्थिक प्रतिबेदन पेश गरेका थिए भने सागर भन्डारी विभोरले गजल वाचन, गंगा बस्यालले नारी सम्बन्धि कविता, सन्तोष कँडेल र कमलराज अधिकारीले गीत प्रस्तुत गरेका थिए ।

छैटौं वार्षिक सम्मेलनलाई थप सफल बनाउन संयुक्त राष्ट्र संघ, विश्व खाद्य कार्यक्रम र नेपाली सेनाका अतिथिहरुको उपस्थिति रहेको थियो । जसमा जापनीज इन्टरनेशनल अर्गनाइजेशनमा कार्यरत दिपक केसी, युएनएचसीआरमा कार्यरत निरोज श्रेष्ठ, गाइनोकोलोजिष्ट डा.राजेश चौधरी र डब्ल्ुएपपीमा कार्यरत जगदिश पन्तले नयाँ कार्यसमितिलाई शुभकामना दिएका थिए । शुभकामना मन्तव्यका क्रममा उनीहरुले प्रत्येक सदस्यलाई एनआरएनए एनसीसी केन्यालाई केन्याभित्र रहेका नेपालीहरू अभिभावक संस्था बनाउन योगदान दिन आग्रह गरेका थिए ।

त्यसैगरी कृष्णदत्त भट्ट संयोजक, कृष्ण प्रसाद भण्डारी, यादव काफ्ले सदस्य रहेको निर्वाचन समितिले परिषद्को आइसीसी सदस्यसहित सबै कार्यसमितिलाई निर्विरोध निर्वाचित भएको घोषणा गरेको थियो ।

जसको अध्यक्षमा शिव लाल अधिकारी, उपाध्यक्षमा यज्ञमणि रेग्मी (भरत), महिला उपाध्यक्षमा मिरा गिरी, महासचिवमा रवि जैन, सचिवमा प्रभाकर भण्डारी, कोषाध्यक्षमा दिपक अधिकारी, सहकोषाध्यक्षमा कमल राज अधिकारी, महिला संयोजकमा कल्याणी काफ्ले र युवा संयोजकमा किसन रुथ रहेका छन् ।

त्यस्तै कार्यकारीणि सदस्यहरुमा राजन अधिकारी, सन्तोष कंडेल, डा. राजेश चौधरी, बिष्णु भुसाल, गणेश बाहदुर कामी, अम्विका प्रसाद भण्डारी, मदन श्रेष्ठ, आनन्द आलोक यादव पनि निर्विरोध निर्वाचित भएका छन् ।

निर्वाचन संयोजक भट्टले नयाँ कार्यसमितिका पदाधिकारीहरुलाइ पद तथा गोपनियताको सपथ खुवाएका थिए भने प्रमुख अतिथि जिम्मि अस्कर, अतिथि कुलबहादुर कार्की र यादव काफ्लेले नयाँ कार्यकाल सफलताको कामनासहितको शुभकामना दिएका थिए ।

त्यसैगरी नयाँ कार्यसमितिको तत्कालै बसेको बैठकले परिषद्को संरक्षकमा कुल बहादुर कार्की र यादव काफ्ले तथा सल्लाहकारमा कृष्ण दत्त भट्ट, मान बाहदुर कामि, लक्ष्मी बुलुन र कृष्ण प्रसाद भण्डारीलाई चयन गरेको छ ।

त्यस्तै परिषदले आइसीसी सदस्यमा कृष्ण गैरेलाई प्रस्ताव गरेको छ ।