Sansar News
काठमाडौं । प्राइम कमर्सियल बैंक लिमिटेडको कायममुकायम प्रमुख कार्यकारी अधिकृत (निमित्त सिईओ)को जिम्मेवारी सन्जीब मानन्धरले पाएका छन् ।
बुधबार बसेको बैंकको सञ्चालक समितिको बैठकले मानन्धरलाई कायममुकायमको जिम्मेवारी दिने निर्णय गरेको हो । मानन्धर बैंकको महाप्रबन्धकको जिम्मेवारीमा थिए ।
यसअघि प्रमुख कार्यकारी अधिकृतको जिम्मेवारीमा रहेका नारायणदास मानन्धरको कार्यकाल मंगलबारदेखि समाप्त भएको थियो ।
उनको कार्यकाल समाप्त भएपछि बैंक सञ्चालक समितिको बैठकले निमित्तको जिम्मेवारी सन्जीब मानन्धरलाई सुम्पेको हो ।
कम्पनी सचिव राजकुमार कार्कीका अनुसार यो निर्णय अर्को बैठकले निर्णय नगर्दासम्म कायम रहनेछ ।
वि.सं.२०८० साउन १७ बुधवार १२:४१ मा प्रकाशित
