हामी सबैकाे संसारन्यूज

काठमाडौं । नेकपा माओवादी केन्द्रले केन्द्रीय समितिमा २४ जना महिला थप्ने भएको छ ।

बुधबारदेखि राजधानीमा सुरु भएको केन्द्रीय समितिको बैठकमा अध्यक्ष पुष्पकमल दाहाल ‘प्रचण्ड’ ले केन्द्रीय समितिमा ३३ प्रतिशत महिला पुर्याउने गरी २४ जना महिला सदस्य थप गर्ने प्रस्ताव अगाडि सारेका छन् ।

हाल माओवादी केन्द्रीय समितिमा ३८५ जना सदस्य छन् २४ जना महिला थपिएपछि केन्द्रीय सदस्यको संख्या ४०९ पुग्ने छ ।

काठमाडौंको प्रज्ञा प्रतिष्ठानको सभा कक्षमा बुधवार देखि सुरु भएको बैठकमा पछिल्लो विकसित राजनीतिक घटनाक्रमको समीक्षा र पार्टीको भावी रणनीति तय गर्ने बताइएको छ । साथै बैठकको पहिलो कार्यसूचीमा श्रद्धाञ्जली व्यक्त, अध्यक्ष पुष्पकमल दाहाल प्रचण्डको सम्बोधन (राजनीतिक र सांगठनिक प्रतिवेदन), विधान संशोधन प्रस्ताव, सांगठनात्मक कार्य (अभियान र कार्यविभाजन लगायत) रहेका छन् ।