हामी सबैकाे संसारन्यूज

काठमाडौं । कोशी प्रदेशमा बहुमत जुटाउनका निम्ति सभामुख त्यागेका बाबुराम गौतमले आर्थिक मामिला मन्त्रालयको जिम्मेवारी पाएका छन् । माओवादी केन्द्रको तर्फबाट गौतमले उक्त मन्त्रालयको जिम्मेवारी पाएका हुन् ।

प्रधानमन्त्री पुष्पकमल दाहाल प्रचण्डका कान्छा ज्वाइँ जीवन आचार्यले यसपटक पनि आर्थिक मामिला मन्त्रालय पाउनुपर्ने अडान राखेका थिए । उनको अडानको कारण माओवादीभित्र विवाद बढेपछि सपथ ग्रहण नै नहुने स्थितिसमेत पैदा भएको थियो ।

केन्द्रबाटै आचार्यलाई मनाएपछि गौतमलाई नै आर्थिक मामिला मन्त्रालयको जिम्मेवारी दिँदै सपथ गराइएको हो ।

मंगलबार मुख्यमन्त्रीमा नियुक्त उद्धव थापाले बुधबार सपथ लिएका थिए । उनले तीन सदस्यीय मन्त्रिपरिषद् गठन गरेका छन् ।