हामी सबैकाे संसारन्यूज

काठमाडौं । । गत आर्थिक वर्ष २०७९\०८० मा झण्डै सात हजारले आत्महत्या गरेका छन् ।

नेपाल प्रहरीका अनुसार गत आर्थिक वर्षमा विष सेवन, आगो लगाएर, झुण्डिएर, हाम फालेर, विभिन्न हातहतियार प्रयोग तथा डुबेर ६ हजार ९९३ जनाले आत्महत्या गरेका छन् ।

प्रहरीले जारी गरेको तथ्यांक अनुसार गत आवमा आत्महत्या गरेका ६ हजार ९९३ जनामा ९३१ जनाले विष सेवन, ६ जनाले आगो लगाएर, ५ हजार ९४० जनाले झुण्डिएर, ४९ जनाले हाम फालेर, औजार तथा हातहतियारको प्रयोग गरेर १५ जना र डुबेर ३३ जनाले आत्महत्या गरेको तथ्यांक सार्वजनिक गरेको छ । तथ्यांक अनुसार सबैभन्दा बढी ५ हजार ९४० जनाले झुण्डिएर आत्महत्या गरेका छन् ।

त्यसैगरी तथ्यांक अनुसार सबैभन्दा बढी विभिन्न घटना घटाई आत्महत्या गर्नेमा पुरुष रहेका छन् । गत आवमा ३ हजार ९४२ जना पुरुषले आत्महत्या गरेका छन् । जसमा आत्महत्या गर्ने महिलाको संख्या २ हजार २५६ रहेको छ भने २६६ जना बालक र ५२९ जना बालिकाले विभिन्न घटना घटाई आमहत्या गरेको घटनाको मुद्दा दर्ता भएका छन् ।

प्रहरीका अनुसार २०७८/७९ मा ६ हजार ८३० जनाले आत्महत्या गरेका थिए । तथ्यांक अनुसार २०७८÷०७९ को तुलनामा गत आर्थिक वर्षमा आत्महत्या गर्नेको संख्या बढेको देखिन्छ ।