हामी सबैकाे संसारन्यूज

काठमाडौं । ललिता निवास जग्गा प्रकरणमा प्रहरीले २८६ जनालाई प्रतिवादी बनाउन सिफारिस गरेको छ ।

प्रहरीको केन्द्रीय अनुसन्धान ब्यूरो (सीआईबी) ले जिल्ला सरकारी वकिलको कार्यालयलाई बुझाएको प्रतिवेनदमा २८६ प्रतिवादी मध्ये २१ जनाको मृत्यु भइसकेकोले सम्पत्तिको विगो भराउन समेत सिफारिस गरिएको छ ।

सीआईबीले सरकारी वकिलको कार्यालयमा बुझाएको उक्त प्रतिवेदनमा पूर्वभूमिसुधार तथा व्यवस्थामन्त्री चन्द्रदेव जोशी, डम्बर श्रेष्ठ, भौतिक योजना तथा निर्माण मन्त्री मन्त्री विजयकुमार गच्छदार, राज्यमन्त्री सञ्जयकुमार शाह, भाटभटेनी सुपरमार्केटका संचालक मीन बहादुर गुरुङ लगायत २८६ जनालाई प्रतिवादी बनाउन राय दिइएको छ ।

सिआइबीले मंगलबार जिल्ला सरकारी वकिल कार्यालयमा बुझाएको उक्त प्रतिवेदनको हाल अध्ययन भइरहेको र अब केही दिनमा जिल्ला अदालत काठमाडौंमा मुद्दा दायर गर्ने तयारी सरकारी वकिलले जनाएको छ ।